EngAgeing

PROIEKTUARI BURUZ

“EngAgeing” ekimen europarra da, EIT Food-ek finantzatua eta IMDEA Alimentación erakundeak koordinatua, Basque Culinary Center-en eta Madrilgo Unibertsitate Autonomoaren elkarlanarekin batera. Bertan elikadurarekin, nutrizioarekin eta osasunarekin lotutako esperientzia berrien multzoa diseinatu dute, gaixotasun kroniko ez-kutsakorren (ENT) agerpena ekidin edo atzeratzeko, edota gaixotasunaren efektuak hobetzen laguntzeko.

 

Zahartze-prozesu naturala, berez, arrisku-faktore garrantzitsua da gaixotasun kroniko ez-kutsakorrentzat, baina kanpoko hainbat faktorek ere eragiten diote, hala nola elikadurak, bizimoduak eta ohiturek.

EngAgeing-en helburua helduentzat prebentzio-izaerako hezkuntza-ekintzen gabezia konpontzea da; izan ere, ohitura gehienak haurtzaroan garatzen eta ezartzen dira, eta hein handi batean, helduaroan ohitura onak norberaren interesen mende daude. Horregatik, EngAgeing-ek populazio-fluxu horretan eragin nahi du, gaixotasunei aurre hartzeko eta osasuna hobetzeko ikaskuntza transmititzen duten esperientzia eta une gogoangarrien bidez.

Beraz, herritar heldu askorekin konektatu nahi da (helduak < 50, 50+ eta 65+), nutrizio eta elikagaien zientzian, gastronomia eta sukaldaritzan, eta zahartzaroan eta gaixotasun kroniko ez kutsakorretan adituek diseinatutako esperientzietan parte hartzeko, elikadura ohitura onak sustatuz zahartzaro osasuntsua izateko helburuarekin.

 

PROIEKTUAREN INFORMAZIOA

Erlazionatutako proiektuak

JAKI 60+

IKERKETA

GASTROTEMPUS

IKERKETA

GASTROSPORTOMIKA

IKERKETA