BCC INNOVATION 2022KO MEMORIA
Oso proiektu interesgarriz betetako urtea izan da 2002a, eta Gastronomia 360o kontzeptua garatzen jarraitu dugu. Kontzeptu hori gure ikuspegiaren eta Zentro Teknologiko gisa dugun DNAren parte da.
Enpresekin estu lotuta lan egin dugu, abangoardia eta sukaldaritzako zientzia jasangarritasunarekin eta osasunarekin bateratzen saiatzen diren produktu berriak garatuz. Planteatu dizkiguten erronketako batzuk mikroalgak edo intsektuak proteina-iturri berri gisa erabiltzearen ingurukoakizandira, eta, besteurtebatez, ikusi dugu plant based kontzeptua dela, oraindik ere, gastroelikagaien sektorearen apustu handienetako bat, eta hestebeteen eta postre beganoen inguruan lanean jarraitzera eraman gaitu.
Era berean, Eusko Jaurlaritzak Horeca sektorea babesteko sortutako ekimen bati esker, jatetxe ugarirekin lan egin dugu, eta proposamen gastronomikoa zabaltzen lagundu diegu: haragi-produktuen gama berriak, gurin aromatizatuak eta gazta ekologikoak sortuz edo landare-soberakinen balioa handituz, besteak beste. Sukaldaritzak, bertatik bertara egiaztatu ahal izan dugunez, erabakitasunez berritzen jarraitzen du.
Ikerketaren arloan, Europan gero eta presentzia handiagoa dugu. Adibidez, Mediterraneo arroko beste lau herrialderekin batera ari gara lanean eskoletako jantokien proposamen gastronomikoa birdiseinatzeko. Helburua da haurrentzat erakargarriagoa izatea eta, aldi berean, are osasungarriagoa. Proiektuak, gainera, anbizio handiko helburua du; etorkizuneko belaunaldien osasuna hobetzen laguntzeaz gain, aldi berean galdu diren sukaldaritza- teknikaketaohiturakberreskuratzenlaguntzen du, eta horrek, aldez edo moldez, gure kultura-ondarea kontserbatzen laguntzen du. Alderdi hori oso garrantzitsua da BCC Innovationek sustatzen duen gastronomiaren kontzeptuan, eta horregatik da proiektu hau hain berezia guretzat.
Azken urtetan, Iberiar penintsulako baso eta oihanpeetan barneratu gara, inguruko mendi eta paisaiarik tipikoenetan, ezkutatzen diren altxor txikiak (landare basatiak) karakterizatzeko. Baratxuri-belarrek, barrabas-belarrek, astamendek, malbek eta txikoria-belarrek freskotasuna, azidotasuna, mingostasuna edo min-puntua ematen dute, egiten ditugun sukaldaritza-lanek eskatzen dutenaren arabera. Landare basatiei buruzko ezagutza zientifiko eta sukaldaritzazko hori guztia liburu honetan jaso da: Silvestre: La Gastronomia de las Plantas (Landareen Gastronomia) aurten argitaratua.
Gastronomiak maila sozioekonomikoan duen eraldatze-ahalmen handiak Ekuadorrera, Jamaikara eta Israelera eraman gaitu aurten.
Kasu batean, ikerketa, berrikuntza eta ekimena sustatzeko, balio-kate sendoagoa osatuz; beste batean, herrialdeak dituen lehengaien aberastasuna balioesteko. Azkenik, erreferentziazko beste berrikuntza- ekosistema batzuekin lotzeko ere bai, egungo testuinguruan berrikuntzak, benetako berrikuntza izango bada, irekia eta lankidetzakoa izan behar duelako.
Hori guztia egin ahal izan da chefez eta ikertzailez osatutako pertsona-talde bikain bati esker.
Begoña Rodríguez, BCC Innovation-eko zuzendaria